କଟକ ପୋକସୋ କୋର୍ଟର ଐତିହାସିକ ରାୟ, ପିଡିତା ପାଇଁ ୪ ଲକ୍ଷ ଟଙ୍କା କ୍ଷତିପୂରଣ ଓ ଅଭିଯୁକ୍ତକୁ ଜେଲ ଦଣ୍ଡ

ଭୁବନେଶ୍ୱର : ଭାରତୀୟ ନ୍ୟାୟ ସଂହିତା (BNS) ଅନୁଯାୟୀ ରାଜ୍ୟରେ ପ୍ରଥମ ଦଣ୍ଡ ଘୋଷଣା କରିଛି କଟକ ସ୍ୱତନ୍ତ୍ର ପୋକସୋ କୋର୍ଟ। ଏହି ରାୟ ଜଣେ ୬ ବର୍ଷୀୟା ନାବାଳିକା ଉପରେ ବଳାତ୍କାର ମାମଲାରେ ଘୋଷିତ ହୋଇଛି। ଦୋଷୀ ୨୨ ବର୍ଷୀୟ କୈଳାସ ଥାଟେରାକୁ ୨୦ ବର୍ଷର ସଶ୍ରମ କାରାଦଣ୍ଡ ଓ ୫୦ ହଜାର ଟଙ୍କା ଜୋରିମାନା ଦଣ୍ଡାଦେଶ ଦିଆଯାଇଛି। ଜୋରିମାନା ଅନାଦେୟ ରହିଲେ ଅଭିଯୁକ୍ତକୁ ଅଧିକ ୨ ବର୍ଷ ଜେଲ ଭୋଗ କରିବାକୁ ପଡ଼ିବ।

ଏହି ସହିତ, ଓଡ଼ିଶା ପିଡିତା କ୍ଷତିପୂରଣ ଆଇନ ଅନୁଯାୟୀ, ଜିଲ୍ଲା ଆଇନ ସେବା ପ୍ରାଧିକରଣ ମାଧ୍ୟମରେ ନାବାଳିକା ପିଡିତାକୁ ୪ ଲକ୍ଷ ଟଙ୍କା କ୍ଷତିପୂରଣ ଦେବାକୁ ନିର୍ଦ୍ଦେଶ ମିଳିଛି।

ଘଟଣା ୨୦୨୩ ନଭେମ୍ବର ୧୯ ରେ ବାରଙ୍ଗ ଅଞ୍ଚଳରେ ଘଟିଥିଲା, ଯେଉଁଠାରେ ପିଡିତାଙ୍କ ପିତାମାତା ଇଟାଭାଟିରେ ଶ୍ରମିକ ଭାବେ କାମ କରୁଥିଲେ। ସେମାନେ ଉତ୍ତର ପ୍ରଦେଶର ବାସିନ୍ଦା ଥିବା ବେଳେ, ଅଭିଯୁକ୍ତ କୈଳାସ ଥାଟେରା, ଯିଏ ମଧ୍ୟ ଉତ୍ତର ପ୍ରଦେଶର, ନାବାଳିକାକୁ ତାଙ୍କର ଅନୁପସ୍ଥିତିରେ ଦୁଷ୍କର୍ମ କରିଥିଲେ।

ପରେ ତାଙ୍କ ପରିବାର ବାରଙ୍ଗ ଥାନାରେ ଅଭିଯୋଗ କରିଥିଲେ, ଏବଂ ୨୧ ତାରିଖରେ ପୋଲିସ ଅଭିଯୁକ୍ତକୁ ଗିରଫ କରିଥିଲା। ଏହା ପରେ ୫ ଡିସେମ୍ବରରେ କୋର୍ଟରେ ଚାର୍ଜସିଟ ଦାଖଲ ହୋଇଥିଲା। ସ୍ୱତନ୍ତ୍ର ସରକାରୀ ଓକିଲ ବିଶ୍ଵଜିତ ରାୟ ଏହି ମାମଲା ପରିଚାଳନା କରୁଥିଲେ।