ନୀଳଗିରିରେ କେନାଲ କାମ ସମୟରେ ବଜ୍ରାଘାତ – ଦୁଇ ମହିଳା ସହ ୩ ଜଣଙ୍କ ମୃତ୍ୟୁ

ଭୁବନେଶ୍ୱର : ବାଲେଶ୍ୱର ଜିଲ୍ଲା ନୀଳଗିରି ବ୍ଲକର ରାଇପାଳ ନିକଟରେ ଆଜି ଅପରାହ୍ଣ ବେଳେ ବଜ୍ରାଘାତରେ ୩ ଜଣ ଶ୍ରମିକଙ୍କ ମୃତ୍ୟୁ ଘଟିଛି । ମୃତକମାନେ ହେଲେ – ମାମି ସିଂ, ଆଲୁମଣି ସିଂ (ଦୁଇ ମହିଳା ଶ୍ରମିକ) ଓ ଜେସିବି ଅପରେଟର ଅଜିତ କୁମାର ହାଜିଦା।

ସୂଚନା ଅନୁଯାୟୀ, ଶ୍ରମିକମାନେ କେନାଲ କାମ କରୁଥିବା ସମୟରେ ବର୍ଷା ଆରମ୍ଭ ହେବା ସହିତ ନିକଟସ୍ଥ କ୍ୟାମ୍ପକୁ ଫେରୁଥିଲେ। ସେଠାରେ ବଜୁଳି ପଡ଼ି ଦୁଇ ମହିଳା ଓ ଜେସିବି ଚାଳକ ଅଚେତ ହୋଇ ପଡ଼ିଲେ। ସାଥୀ ଶ୍ରମିକମାନେ ତାଙ୍କୁ ବରହମପୁର ଚିକିତ୍ସାଳୟକୁ ନେଇଥିଲେ, ଯେଉଁଠି ଡାକ୍ତର ତିନିଜଣଙ୍କୁ ମୃତ ଘୋଷଣା କରିଥିଲେ।

ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ଓ ଶବଗୁଡ଼ିକୁ ପୋଷ୍ଟମର୍ଟେମ ପାଇଁ ନୀଳଗିରି ଉପଖଣ୍ଡ ଚିକିତ୍ସାଳୟକୁ ପଠାଇଛି।