ଭୁବନେଶ୍ୱର ଭରତପୁରରେ ଘଟିଲା ଜଘନ୍ୟ ହତ୍ୟାକାଣ୍ଡ

ଭୁବନେଶ୍ୱର: ରାଜଧାନୀ ଭୁବନେଶ୍ୱରର ଭରତପୁର ଥାନା ଅଧୀନ ତାରିଣୀ ବସ୍ତିରେ ଗତକାଲି ରାତିରେ ଏକ ଜଘନ୍ୟ ହତ୍ୟାକାଣ୍ଡ ଘଟିଛି। ସୂଚନା ଅନୁସାରେ, ୪ ଜଣ ଚୋର ଏକ ଘରକୁ ଟାର୍ଗେଟ୍‌ କରି ଚୋରି କରିବାକୁ ଲାଗିଥିଲେ। ଏହି ସମୟରେ ଘରମାଲିକ ଚିତ୍କାର କରିବାରୁ, ଧରାପଡ଼ିବା ଭୟରେ ସେମାନେ ତାଙ୍କୁ ନିର୍ମମ ଭାବରେ ପିଟିଦେଇଥିଲେ।

ମାରଣାନ୍ତକ ଆକ୍ରମଣରେ ଘରମାଲିକ ଗଭୀର ଆହତ ହେବା ପରେ ସ୍ଥଳରେ ମୃତ୍ୟୁ ବରଣ କରିଥିବା ସନ୍ଦେହ ରହିଛି। ଘଟଣା ସମ୍ପର୍କରେ ସୂଚନା ମିଳିବା ପରେ, ଭରତପୁର ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଥିଲେ ଏବଂ ଆବଶ୍ୟକ ତଦନ୍ତ ଆରମ୍ଭ କରିଛନ୍ତି।

ଏ ଘଟଣା ପରେ ଏଲାକାରେ ଚିନ୍ତା ଓ ଆତଙ୍କର ମାହୋଲ ସୃଷ୍ଟି ହୋଇଛି। ପୁଲିସ ତଦନ୍ତ ଜାରି ରଖିଛି ଓ ଦୋଷୀ ଅଭିଯୁକ୍ତମାନଙ୍କୁ ଗିରଫ ପାଇଁ ତଲାଶ ଜୋରଦାର କରିଛି।