ପ୍ରେମ ପାଇଁ ପରିବାରକୁ ବିଷ ଦେଲା ଝିଅ

ଭୁବନେଶ୍ୱର : ଏକ ଜଣେ ବିବାହିତ ଝିଅ ପ୍ରେମ ଘଟଣା ପାଇଁ ନିଜ ପରିବାରକୁ ବିଷ ଦେଇ ହତ୍ୟା ଉଦ୍ୟମ କରିଥିବା ଚାଞ୍ଚଲ୍ୟକର ଘଟଣା ଘଟିଛି ଯାଜପୁର ଜିଲ୍ଲା ମଙ୍ଗଳପୁର ଥାନା କନିକାପଡ଼ା ଗ୍ରାମରେ। ଏହି ଘଟଣାରେ ଏକ ଶିଶୁ ଶାମିଲ ୬ ଜଣ ପରିବାର ସଦସ୍ୟ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ଅଛନ୍ତି।

ସୂଚନା ଅନୁଯାୟୀ, ଉମାକାନ୍ତ ଓଝାଙ୍କ ଝିଅ ଗତ ୬ ମାସ ପୂର୍ବରୁ ଘର ଛାଡ଼ି ଏକ ଯୁବକ ସହ ପଳାଇ ବିବାହ କରିଥିଲେ। ଯାତ୍ରା ବେଳେ ସେ ସୁନା, ଟଙ୍କା ଓ ଅନ୍ୟାନ୍ୟ ଜିନିଷ ନେଇ ଘରୁ ବାହାରି ଗଲେ। ପରେ ସମ୍ପର୍କୀୟ ଭାଇମାନେ ସେମାନଙ୍କୁ ଆଣି ଘରେ ରଖିଥିଲେ, କିନ୍ତୁ ସେଠାରେ ବି ସମ୍ପର୍କ ତନାତନି ଓ କଳହ ଚାଲି ଥିଲା।

ଘଟଣାର ୨ ଦିନ ପୂର୍ବରୁ ମାରପିଟ ଘଟିଥିଲା ଓ ମଙ୍ଗଳପୁର ଥାନାରେ ଭିନ୍ନ ଭିନ୍ନ ଅଭିଯୋଗ ଦାଖଲ ହୋଇଥିଲା। ଏହା ପରେ ଝିଅ ନିଜ ପରିବାରକୁ ବିଭିନ୍ନ ସମୟରେ ଧମକ ଦେଉଥିଲେ ଯେ ସେ ମାରିଦେବ।

ଗତକାଲି ରାତିରେ ଖାଦ୍ୟରେ ବିଷ ମିଶାଇ ସେ ଘର ଲୋକଙ୍କୁ ଖୁଆଇଥିଲେ। ଖାଦ୍ୟ ସେବନ କରି ପରେ ଶିଶୁ ସହ ୬ ଜଣ ଗୁରୁତର ଅସୁସ୍ଥ ହୋଇଯାଇଥିଲେ। ସମସ୍ତଙ୍କୁ ଯାଜପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।

ଏହି ଘଟଣା ପ୍ରେମକୁ ସ୍ୱୀକୃତି ନମିଳିବାର କ୍ଷୁଭ୍ରତାରୁ ଘଟିଥିବା ବୋଲି ପ୍ରାଥମିକ ତଦନ୍ତରେ ଜଣାପଡ଼ିଛି। ପୋଲିସ ଘଟଣାସ୍ଥଳରୁ ନମୁନା ଜବତ କରି ଅଭିଯୁକ୍ତା ବିରୋଧରେ ମାମଲା ରଜିଷ୍ଟର କରି ତଦନ୍ତ ଆରମ୍ଭ କରିଛି।