ନଡ଼ିଆ ବଣ୍ଟାକୁ ନେଇ ବିବାଦ, ଦାଦାଙ୍କ ହଣାରେ ପୁତୁରାଙ୍କ ମୃତ୍ୟୁ

ଭୁବନେଶ୍ୱର : ଜଗତସିଂହପୁର ସଦର ଥାନା ଅନ୍ତର୍ଗତ ଯାହାନପୁର ଗାଁରେ ଏକ ଦୁଃଖଦ ଘଟଣା ଘଟିଛି, ଯେଉଁଠାରେ ଜଣେ ଦାଦା ତାଙ୍କ ପୁତୁରାଙ୍କୁ ହାଣି ହତ୍ୟା କରିଛନ୍ତି। ମୃତ ପୁତୁରାଙ୍କ ନାମ ସୁମନ ଦାସ ବୋଲି ପରିଚୟ ମିଳିଛି। ଅଭିଯୁକ୍ତ ଦାଦା ସଞ୍ଜୟ ଭୋଇ ଜଣେ ମାନସିକ ରୋଗୀ ବୋଲି ଜଣାପଡ଼ିଛି।

ସୂଚନା ଅନୁଯାୟୀ, ଗାଁରେ ନଡ଼ିଆ ଭାଗବଣ୍ଟାକୁ ନେଇ ଭାଇମାନେ ମଧ୍ୟରେ ବିବାଦ ହୋଇଥିଲା। ବଣ୍ଟାକୁ ନେଇ ଦାଦା ସଞ୍ଜୟ ଅଧିକ ଅଂଶ ଦାବି କରୁଥିଲେ, ଯାହାକୁ ମୃତ ସୁମନ ପ୍ରତିବାଦ କରିଥିଲେ। ପରେ, ସୁମନ ଦାନ୍ତ ଘଷୁଥିବା ସମୟରେ ଅନ୍ଧାରେ ଦାଦା ସଞ୍ଜୟ ପଛପଟୁ କୋଦାଳରେ ଆକ୍ରମଣ କରିଥିଲେ, ଫଳରେ ସେଠାରେ ସୁମନଙ୍କ ମୃତ୍ୟୁ ଘଟିଥିଲା।

ଘଟଣା ପରେ ଗ୍ରାମବାସୀ ଅଭିଯୁକ୍ତ ସଞ୍ଜୟକୁ ଧରି ପୋଲିସଙ୍କୁ ହସ୍ତାନ୍ତର କରିଛନ୍ତି। ସଦର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ଅଭିଯୁକ୍ତଙ୍କୁ ଗିରଫ କରିଛି। ପୋଲିସ ଏହି ହତ୍ୟାକାଣ୍ଡ ସଂପର୍କରେ ଅଧିକ ତଦନ୍ତ ଆରମ୍ଭ କରିଛି।

ଏହି ଘଟଣା ଗାଁ ଓ ଅଞ୍ଚଳରେ ଚିଞ୍ଚଳତା ସୃଷ୍ଟି କରିଛି।