ତାଜପୁର ବେଳାଭୂମିରେ ଦୁଃଖଦ ଘଟଣା – ସମୁଦ୍ରରେ ଭାସିଗଲେ ୩ ପର୍ଯ୍ୟଟକ

ଭୁବନେଶ୍ୱର : ବାଲେଶ୍ବର ଜିଲ୍ଲା ଓ ପଶ୍ଚିମବଙ୍ଗ ସୀମାନ୍ତ ତାଜପୁର ବେଳାଭୂମିରେ ଗାଧୋଇବା ବେଳେ ଜଣେ ଯୁବକଙ୍କ ମୃତ୍ୟୁ, ଜଣେ ନିଖୋଜ ଓ ଜଣେ ଉଦ୍ଧାର ଘଟଣା ସାମ୍ନାକୁ ଆସିଛି । ସମୁଦ୍ରରେ ଅପେକ୍ଷାକୃତ ଅଧିକ ତରଙ୍ଗ ଥିବା ବେଳେ ୩ ଜଣ ପର୍ଯ୍ୟଟକ ଗାଧୋଇବା  ସମୟରେ ଭାସିଯାଇଛନ୍ତି ।

ସୂଚନା ପାଇ ଉଦ୍ଧାରକାରୀ ଟିମ୍ ସ୍ପିଡବୋଟ ମାଧ୍ୟମରେ ଦୁଇ ଜଣଙ୍କୁ ଉଦ୍ଧାର କରିଥିଲେ। ସେମାନଙ୍କ ମଧ୍ୟରୁ ଜଣେ ଯୁବକ ଜୀବନ୍ତ ଅବସ୍ଥାରେ ରହିଥିଲେ, ଯେଉଁଥିରେ ଅନ୍ୟ ଜଣଙ୍କୁ ହସ୍ପିଟାଲରେ ନେଇଯିବା ପରେ ଡାକ୍ତର ମୃତ ଘୋଷଣା କରିଥିଲେ। ତୃତୀୟ ପର୍ଯ୍ୟଟକ ଏପର୍ଯ୍ୟନ୍ତ ନିଖୋଜ ଅଛନ୍ତି।

ଉକ୍ତ ଯୁବକମାନେ ପଶ୍ଚିମବଙ୍ଗ ବାରସାତ ଅଞ୍ଚଳର ବୋଲି ପରିଚୟ ମିଳିଛି। ନିଖୋଜ ଯୁବକ ପାଇଁ ଉଦ୍ଧାର ଅଭିଯାନ ଚାଲିଛି।