ଓଡ଼ିଶାରେ ବଢ଼ୁଛି ସାଇବର ଅପରାଧ: ଭୁବନେଶ୍ୱରରେ କର୍ମଶାଳା ମାଧ୍ୟମରେ ପୋଲିସଙ୍କ ଦକ୍ଷତା ବୃଦ୍ଧିର ଉଦ୍ୟମ

ଭୁବନେଶ୍ୱର: ଆଜି ଭୁବନେଶ୍ୱରସ୍ଥିତ ସାଇବର କମ୍ପ୍ଲେକ୍ସରେ ଓଡ଼ିଶା କ୍ରାଇମବ୍ରାଞ୍ଚ ଆନୁଷ୍ଠାନିକ ଭାବେ "ସାଇବର ଅପରାଧ ତଦନ୍ତ ଓ ବୁଦ୍ଧିମତ୍ତା" ବିଷୟରେ ଏକ ଦିନିଆ କର୍ମଶାଳା ଆୟୋଜନ କରିଛି। ଡିଜିପି ଶ୍ରୀ ଯୋଗେଶ ବାହାଦୁର ଖୁରାନିଆ ଏଥିରେ ମୁଖ୍ୟ ଅତିଥି ଭାବରେ ଯୋଗ ଦେଇ କର୍ମଶାଳାକୁ ଉଦଘାଟନ କରିଥିଲେ।

ଏହି କର୍ମଶାଳା ମାଧ୍ୟମରେ ରାଜ୍ୟର ସମସ୍ତ ବର୍ଗର ପୋଲିସ ଅଧିକାରୀଙ୍କୁ ସାଇବର ଅପରାଧ ର ତଦନ୍ତ ପ୍ରକ୍ରିୟା ଓ ବୈଷୟିକ ଜ୍ଞାନ ସହିତ ପରିଚିତ କରାଯିବା ଲକ୍ଷ୍ୟ ରହିଛି। ଡିଜିପି ଖୁରାନିଆ କହିଛନ୍ତି ଯେ, ଅନଲାଇନ ଠକେଇ, ଡିଜିଟାଲ ଗିରଫ, ପରିଚୟ ଚୋରି ଓ ନିବେଶ ଠକେଇ ଭଳି ଅନେକ ସାଇବର ଅପରାଧ ବଢ଼ୁଛି, ଯାହା ରୋକିବାକୁ ପୋଲିସଙ୍କୁ ଦକ୍ଷ ଓ ତାଲିମପ୍ରାପ୍ତ ହେବା ଆବଶ୍ୟକ।

ଏହି କର୍ମଶାଳାରେ ଆଇପିଏସ ଅଧିକାରୀ ଡ଼. ସାର୍ଥକ ଷଡ଼ଙ୍ଗୀ ପରିଚାଳନା କରିଥିଲେ ଓ ସାଇବର ବିଶେଷଜ୍ଞ ଡ଼. ରକ୍ଷିତ ଟଣ୍ଡନ ତାଲିମ ଦେଇଥିଲେ। କ୍ରାଇମବ୍ରାଞ୍ଚ ଆଇଜି ବିନୟତୋଷ ମିଶ୍ର କର୍ମଶାଳା ଆଭିମୁଖ୍ୟ ଦେଇ ଆରମ୍ଭ କରିଥିଲେ। ଡିଆଇଜି (ଏସଟିଏଫ) ପିନାକ ମିଶ୍ର ଧନ୍ୟବାଦ ଜଣାଇଥିଲେ।

ଡିଜିପି ଘୋଷଣା କରିଛନ୍ତି ଯେ ଆଗାମୀ ଦିନରେ ଓଡ଼ିଶାରେ ୨୦ ଟି ନୂତନ ସାଇବର ଓ ଅର୍ଥନୈତିକ ଅପରାଧ ଥାନା ସ୍ଥାପିତ ହେବ। ତଦାପି, ସାଇବର କମାଣ୍ଡ ସେଣ୍ଟର ଭୁବନେଶ୍ୱରରେ ଥିବା ସହ ଅପରାଧ ଚିହ୍ନଟ, ନିୟନ୍ତ୍ରଣ ଓ ସହଯୋଗ କାର୍ଯ୍ୟରେ ଗୁରୁତ୍ୱପୂର୍ଣ୍ଣ ଭୂମିକା ନିବାହ କରିବ।

ଏହି ଉଦ୍ୟମ ମାଧ୍ୟମରେ ଓଡ଼ିଶା ପୋଲିସ ସାଇବର ଅପରାଧ ବିରୋଧରେ ଏକ ନୂତନ ଦିଗାରେ ପଦକ୍ଷେପ ନେଉଛି।