ଯାଜପୁର ରୋଡରେ ୫ ବର୍ଷର ନାବାଳିକା ଉପରେ ଦୁଷ୍କର୍ମ ପରେ ହତ୍ୟା: ଅଭିଯୁକ୍ତଙ୍କୁ ଆଜୀବନ କାରାଦଣ୍ଡ

ଏକ ମନ ଦୁଃଖିତ କରିଦେବା ଘଟଣା ଯାଜପୁର ରୋଡ଼ ଅଞ୍ଚଳରେ ଘଟିଛି, ଯେଉଁଠାରେ ଆଦିବାସୀ ସମ୍ପ୍ରଦାୟର ୫ ବର୍ଷର ଏକ ନାବାଳିକା କାଚ ବୋତଲ ବିକ୍ରି କରିବାକୁ ଫେରୋକ୍ରମ ପ୍ଲାଣ୍ଟ ନିକଟର କବାଡ଼ିଆ ଦୋକାନକୁ ଯାଇଥିବା ବେଳେ ଦୋକାନ ମାଲିକଙ୍କ ଦ୍ୱାରା ଦୁଷ୍କର୍ମ ଓ ହତ୍ୟା ହେବାର ଅଭିଯୋଗ ମିଳିଛି।

ଅଭିଯୋଗ ଅନୁଯାୟୀ, ଏକୁଟିଆ ଥିବାର ସୁଯୋଗକୁ ବ୍ୟବହାର କରି କବାଡ଼ିଆ ଦୋକାନ ମାଲିକ ସେକ୍ ମୋହିତ ନାବାଳିକା ସହ ଦୁଷ୍କର୍ମ କରିଥିଲେ। ପରେ ରକ୍ତସ୍ରାବ ହେଉଥିବା ଦେଖି ପ୍ରମାଣ ନଷ୍ଟ କରିବାକୁ ତାଙ୍କ ତଣ୍ଟି ଚିପି ମାରଣ କରିଥିଲେ। ମୃତଦେହକୁ ଏକ ଅଖାରେ ପୁରି ଯାଜପୁର ରୋଡ଼ ରେଲଲାଇନ ନିକଟରେ ଛାଡ଼ି ଦିଆଯାଇଥିଲା।

ଏନେଇ ନାବାଳିକାର ମା ଥାନାରେ ଅଭିଯୋଗ ଦାଖଲ କରିଥିଲେ। ଘଟଣା ସନ୍ଧାନ କରି ୩୫ ଜଣ ସାକ୍ଷୀଙ୍କ ସାକ୍ଷ୍ୟ ଆଧାରରେ ଆଜି ଯାଜପୁର ଅତିରିକ୍ତ ଜିଲ୍ଲା ଓ ଦୌରା ଜଜ ବିଜୟ କୁମାର ଜେନା ଅଭିଯୁକ୍ତ ସେକ୍ ମୋହିତକୁ ଆଜୀବନ କାରାଦଣ୍ଡ ଦେଇଛନ୍ତି। ସହିତେ ୧୦,୦୦୦ ଟଙ୍କା ଜରିମାନା, ଓ ଅନାଦେୟ ହେଲେ ୬ ମାସ ଅତିରିକ୍ତ ଜେଲଦଣ୍ଡ ଦଣ୍ଡିତ କରାଯାଇଛି।

ଅନ୍ୟପଟେ, ଆଇନ ପ୍ରାଧିକରଣ ବିଭାଗ ପକ୍ଷରୁ ମୃତ ନାବାଳିକାଙ୍କ ମାଆଙ୍କୁ ୫ ଲକ୍ଷ ସହାୟତା ରାଶି ଯୋଗାଇବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।