ନିମାପଡ଼ାରେ ରାସ୍ତା ବିକାଶରେ ଦୃଢ଼ ପଦକ୍ଷେପ

ଭୁବନେଶ୍ୱର:  ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ସୋମବାର ନିମାପଡ଼ା ବ୍ଲକରେ ବିଭିନ୍ନ ରାସ୍ତା ପ୍ରଶସ୍ତିକରଣ ଯୋଜନାର ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଏହି ଅବସରରେ ମୋଟ ୧୮ କୋଟି ୬୧ ଲକ୍ଷ ଟଙ୍କା ମୂଲ୍ୟର ୪ଟି ରାସ୍ତା ଉନ୍ନତି କାମର ଶୁଭାରମ୍ଭ କରାଯାଇଛି।

ଯୋଜନାମାନଙ୍କ ମଧ୍ୟରେ ଗୋପିନାଥପୁରରୁ ବଳଙ୍ଗା ପର୍ଯ୍ୟନ୍ତ ୨.୬୭ କି.ମି. ରାସ୍ତା ପ୍ରଶସ୍ତିକରଣ ପାଇଁ ୩ କୋଟି ୪୭ ଲକ୍ଷ ଟଙ୍କା, ବନମାଳୀପୁର ଠାରୁ ବଳଙ୍ଗା ୫.୫ କି.ମି. ରାସ୍ତା ପାଇଁ ୫ କୋଟି ୬୫ ଲକ୍ଷ ଟଙ୍କା ବ୍ୟୟ ହେବ। ଏହା ସହିତ ଅନ୍ତୁଆର ପଞ୍ଚାୟତ ଅଧୀନ ନୁଆହରକିରିଠାରୁ ଅନ୍ତୁଆ ପର୍ଯ୍ୟନ୍ତ ୪.୧୫ କି.ମି. ରାସ୍ତା ପ୍ରଶସ୍ତିକରଣ ନିମନ୍ତେ ୪ କୋଟି ୮୦ ଲକ୍ଷ ଟଙ୍କା ଏବଂ ପାଟପୁରୁ ଠାରୁ ଅନ୍ତୁଆ ପର୍ଯ୍ୟନ୍ତ ୪.୫ କି.ମି. ରାସ୍ତା ପାଇଁ ୫ କୋଟି ୨୨ ଲକ୍ଷ ଟଙ୍କା ମନ୍ଜୁରି ମିଳିଛି।

ଏହି କାର୍ଯ୍ୟକ୍ରମରେ ଉପସ୍ଥିତ ଥିବା ଗରିମାମୟ ବ୍ୟକ୍ତିମାନେ ଅନ୍ୟମାନଙ୍କ ମଧ୍ୟରେ ଧନଞ୍ଜୟ ବଡ଼ଜେନା (ଗ୍ରାମ୍ୟ ଉନ୍ନୟନ ବିଭାଗ ଅଧିକାରୀ), ସ୍ମୃତିରଞ୍ଜନ କାନୁନଗୋ (ଯନ୍ତ୍ରୀ), ବଳଙ୍ଗା ମଣ୍ଡଳ ସଭାପତି ଦେବାଶିଷ ଆଚାର୍ଯ୍ୟ, ପୁରୀ କୃଷକ ମୋର୍ଚ୍ଚା ଉପସଭାପତି ଅଜୁର୍ନ ବରାଳ, ମିନଲତା ମହାନ୍ତି (ସାଂସଦ ପ୍ରତିନିଧି) ଓ ବିଭିନ୍ନ ଜନପ୍ରତିନିଧି ଓ ପ୍ରଶାସନିକ ଅଧିକାରୀ ଉପସ୍ଥିତ ଥିଲେ।

ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଏହି ଉଦ୍ୟମକୁ ନିମାପଡ଼ା ଓ ଚାରିପାଖର ଅଞ୍ଚଳର ବିକାଶ ଓ ଲୋକଙ୍କ ଯାତାୟାତ ସୁବିଧା ବୃଦ୍ଧି ପାଇଁ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ବ୍ୟାଖ୍ୟା କରିଛନ୍ତି।