ଓଡ଼ିଶାରେ ସମସ୍ତଙ୍କୁ ମିଳିବ ଜମି: ମୁଖ୍ୟମନ୍ତ୍ରୀଙ୍କ ଘୋଷଣା

ଭୁବନେଶ୍ୱର: ରାଜ୍ୟରେ କେହି ଭୂମିହୀନ ରହିବେ ନାହିଁ ବୋଲି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଘୋଷଣା କରିଛନ୍ତି। ଲୋକସେବା ଭବନରେ ଆୟୋଜିତ ରାଜ୍ୟସ୍ତରୀୟ ରାଜସ୍ୱ ସମ୍ମିଳନୀରେ ସେ କହିଛନ୍ତି, ଯେଉଁମାନଙ୍କ ପାଖରେ ୪ ଡେସିମିଲ ରୁ କମ ଜମି ଅଛି, ସେମାନଙ୍କୁ ମଧ୍ୟ ଭୂମିହୀନ ଭାବେ ଗଣାଯିବ। ସରକାର ସେମାନଙ୍କୁ ଜମି ଯୋଗାଇ ଦେବ।

ମୁଖ୍ୟମନ୍ତ୍ରୀ ତହସିଲଦାରଙ୍କୁ ଦାୟିତ୍ୱବାନ ଓ ନ୍ୟାୟପରାୟଣ ହେବା ପାଇଁ ଉପଦେଶ ଦେଇଛନ୍ତି। ଅନୁସୂଚିତ ଜାତି ଓ ଜନଜାତି ଜମି କିଣା ବିକାରେ ଅନିୟମ ହେଲେ ଅଧିକାରୀ ଉତ୍ତରଦାୟୀ ହେବେ ବୋଲି ସେ ଚେତାବନୀ ଦେଇଛନ୍ତି। ରାଜ୍ୟରେ ଏବେ ଭୂମି ଚିହ୍ନଟ, ଜବରଦଖଲ ରୋକା, ନ୍ୟାୟସଂଗତ ଭାବେ ଫସଲ ଜାଞ୍ଚ ଏବଂ ଆଧୁନିକ ଭୂମି ପ୍ରଶାସନ ପାଇଁ ପଦକ୍ଷେପ ନିଆଯିବ।

ମୁଖ୍ୟମନ୍ତ୍ରୀ ତହସିଲଦାରଙ୍କୁ କହିଛନ୍ତି ଯେ, ତାଙ୍କ ଅଫିସ୍ ଲୋକଙ୍କ ପାଇଁ ବିଶ୍ୱାସର ସ୍ଥାନ ହେଉ, ଭୟର ନୁହେଁ। ଅଧିକାରୀମାନେ ଗ୍ରାମବାସୀଙ୍କୁ ସମୟରେ ଓ ନ୍ୟାୟସଙ୍ଗତ ସେବା ଯୋଗାଇ ଦେବା ଦାୟିତ୍ୱ ନିଵାହ କରନ୍ତୁ।

ଅନୁସୂଚିତ ଜାତି ଓ ଜନଜାତି ଭୂମି ବିକ୍ରୟ ସମ୍ପର୍କରେ ଅନିୟମିତତା ବାବଦରେ ଚେତାବନୀ ଦେଇ, ମାଝୀ କହିଛନ୍ତି ଯେ, ଏହି ଅଞ୍ଚଳରେ ‘ଶୂନ୍ୟ ସହନଶୀଳତା’ ନୀତି ଚଲିଛି। ଦୁର୍ନୀତିକୁ କେବେ ବି ସହ୍ୟ କରାଯିବ ନାହିଁ।

ବାତ୍ୟା ‘ଦାନା’ ର ସଫଳ ମୁକାବିଲା ଉଦ୍ଦାହରଣ ଦେଇ, ସେ କହିଛନ୍ତି ଯେ ସଂପୂର୍ଣ୍ଣ ରାଜସ୍ୱ ପ୍ରଶାସନ କର୍ତ୍ତବ୍ୟପରାୟଣ ଓ ସଚ୍ଚୋଟ ହେବା ଦ୍ୱାରା ଜନସେବାକୁ ଉତ୍ତମ ମାନଦଣ୍ଡ ଦେଇପାରିବ।

ରାଜ୍ୟ ସରକାରଙ୍କ ଲକ୍ଷ୍ୟ – ସ୍ୱଚ୍ଛ ଓ ଦୁର୍ନୀତିମୁକ୍ତ ଭୂମି ପ୍ରଶାସନ ଗଠନ