ଟ୍ରାଫିକ୍ ଜାମ୍‌ ମଧ୍ୟରେ ଭାଙ୍ଗିଗଲା ୪୩ ବର୍ଷ ପୁରୁଣା ବ୍ରିଜ୍, ଗୁଜୁରାଟରେ ଆଠ ମୃତ

ଭୁବନେଶ୍ୱର : ଗୁଜୁରାଟର ମହିସାଗର ଜିଲ୍ଲା ଅବସ୍ଥିତ ଏକ ପୁରୁଣା ବ୍ରିଜ୍ ସକାଳ ୮.୩୦ ବେଳେ ଭାଙ୍ଗିପଡ଼ିଥିଲା, ଯେଉଁବେଳେ ବ୍ରିଜ୍ ଉପରେ ଟ୍ରାଫିକ୍ ଜାମ୍ ଲାଗିଥିଲା। ବ୍ରିଜ୍‌ର ମଝି ଅଂଶ ଭାଙ୍ଗି ଯିବାରୁ , ଟ୍ରକ୍ ଓ ଗୋଟିଏ ପିକଅପ୍ ଭ୍ୟାନ୍ ସହ ଅନେକ ଗାଡ଼ି ନଦୀରେ ଖସିପଡ଼ିଛି।

ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ବ୍ରିଜ୍ ଉପରେ ଥିବା ଲୋକମାନେ ଆତଙ୍କିତ ହୋଇଛନ୍ତି ଓ ଅନେକ ଲୋକ ଅଳ୍ପତେ ରକ୍ଷା ପାଇଛନ୍ତି। ଏହି ଦୁଘଟଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି, ଯେଉଁଥିରେ ଏକ ଟ୍ୟାଙ୍କର ସହ ବ୍ରିଜ୍‌ର ଅଧା ଅଂଶ ଝୁଲି ରହିଥିବା ଦେଖାଯାଉଛି।

ସ୍ଥାନୀୟ ପ୍ରଶାସନ ଓ ଉଦ୍ଧାର ଦଳ ଘଟଣାସ୍ଥଳରେ ପହଞ୍ଚି ନଦୀରେ ଖସିଥିବା ଲୋକଙ୍କୁ ବାହାର କରିବା ଉଦ୍ୟମ ଚାଲାଉଛନ୍ତି। ଏପର୍ଯ୍ୟନ୍ତ ୮ ଜଣଙ୍କ ମୃତ୍ୟୁ ହୋଇଥିବା ନିଶ୍ଚିତ ହୋଇଛି ବୋଲି ସୂତ୍ର ଦେଖାଉଛି। ବ୍ରିଜ୍‌ଟି ୪୩ ବର୍ଷ ପୁରୁଣା ଥିବା ଜଣାପଡ଼ିଛି, ଯାହା ରକ୍ଷାଣାବେକ୍ଷଣ ଓ ନବୀନୀକରଣ ନ ହେବାକୁ ନେଇ ଏବେ ପ୍ରଶ୍ନ ଉଠୁଛି।